Hautagaitzak aurkezteko epea bukatuta proposamenik ez balego, osoko bilkurak modu askean aukeratuko ditu Bake Epailea eta ordezkoa.
Berez, lau urterako kargua da eta Bake Epaile izateko ez dute titulazio berezirik eskatzen. Hori bai, ezin da alderdi politikoren edo sindikaturen bateko kide den edo haiendako lan egiten duen inor aurkeztu.
Betebeharrei dagokienez, berriz, besteak beste, adinez nagusia izan beharra dago, hautagaiek herrian bertan bizi behar dute eta ezin da maltzurkeriazko delituagatik auzipetu edo errudun izan eta ezta ere arrazoi berberengatik kondenatuta izan.