Atzo, eguena, aurkitu zuten pozoiz estalitako tripaki pusketa. Inguruko bizilagunen batek Udaltzaingoari esandakoaren arabera, lehenago ikusi izan du inguruan pozoia, baina ez oraingo honetan moduan, tripakiak sokaz lotuta, gainera pozoia botata dutela -gorri koloreko hori-.
Mendiola industrialdeko mendialdeko ezpondan zeuden tripakiak. Inguruan txakur asko ibiltzen dira paseoan. Horren jakitun egin du aurkitutakoaren gaineko ohartarazpena Udaltzaingoak, txakur-jabeak kontuz ibil daitezen.