Batzar orokorra hasteko bigarren deia 17:30ean da -bigarren deian hasi ohi dira bilerak- baina Itxaropena elkarteko zuzendaritza batzordeak 16:50era egin du hitzordua, bazkideen zain egon bitartean, magia ikuskizuna izango da-eta.
Zuzendaritza batzordea berritzea
Segurtasun neurriak direla-eta, asko jota 100 partaide bertaratu ahal izango dira. Halaber, arrazoi berberarengatik batzarra Herri Antzokian izango da.
Mahai gainean, berriz, 8 puntuko gai zerrenda izango dute aztergai. Tartean, esandako moduan, elkarteari izena aldatzeko proposamena.
Horrekin batera, zuzendaritza batzordea berritzea ere proposatuko dute eta besteak beste, elkartearen egoera ekonomikoaren berri emango dute.
Podologoa behar dute
Bestalde, Itxaropena Erretiratuen Elkarteko podologoak zerbitzua eskaintzeari lagako dio. Hori dela eta, bertako zuzendaritza beste podologo baten bila dabil. Interesa duenak bi bide ditu elkartearekin harremanetan jartzeko: itxaropena5@gmail.com helbidera idatzita edo batzordeko kideren bati esanda.