Eskualdean, txertoa hartzeko bi gune finko ezarri ditu Osakidetzak: Eibarko ospitalea eta Mendaroko ospitalea. Bertara joateko moduan daudenei edo senitartekoek bertara eramateko moduan daudenei han emango diete txertoa. Goizez eta arratsaldez jardungo dute txertoak ipintzen, hitzorduak egitea errazteko. Baita asteburuetan ere.
Hitzordua eurek emango dute
Bertaratu ezin duenari, berriz, etxera joango zaizkio txertoa ipintzera.
Gotzone Sagardui Osasun sailburuak gogorarazi du Osakidetzak deituko duela hitzordua eskaintzeko eta txertoa non eta noiz hartu zehazteko.