Leihoko pertsianari emandako kolpeen ondorioz, hura ezin da jaso eta berria ipini beharko da.
Eguneko zentroko pertsiana apurtu dute, berriro
2021ko ots. 17a, 12:06
Gaur goizean, eguneko zentroko leihoetako baten pertsiana apurtuta aurkitu dute bertako langileek. Hango pertsianaren bat apurtzen duten bigarren aldia da. “Hau onartezina da”, salatu du Iker Aldazabal alkateak. Hain justu, iazko martxoan apurtu zuten ateko pertsiana, 1.000 euro pasako kaltea eraginez. Orduan, egileak harrapatu eta eurek ordaindu zuten konponketa.