Iker Aldazabal alkateak emandako xehetasunen arabera, lurzoruaren kutsadura azterketa Afesa Medioambiente enpresa bizkaitarrak egingo du, hiru hilabeteko epean.
Zaharberritze proiektua, berriz, Behark arkitektura enpresa bizkaitarrak idatziko du. Are gehiago, enpresa horrek dagoeneko idatzita du esparruaren gaineko oinarrizko birgaitze proiektua. Orain, hura egokitu eta hilabeteko epean entregatuko dio Udalari proposamen berria.
Proiektu berriak
Alkateak gaineratu du Udala berehala hasiko dela SAPArako hurrengo proiektuak prestatzen, orain egingo diren bi azterketetatik ondorioztatzen dena gauzatu ahal izateko proiektuak, alegia.
Izan ere, Rafaela Romero diputatuak SAPAra egindako bisitan, narriatutako eremuak birgaitzeko 200.000 euroko dirulaguntza lerroa iragarri zuen eta Udalak proiektu berriak aurkeztu nahi ditu dirulaguntza horietara.