Soraluzeko Udalak hartutako erabakiaren ildo beretik, Plaentxi Herri Eskolak erabaki du, pandemia egoera dela-eta, aurten ez dutela Aratusteekin lotutako ekitaldi berezirik egingo. Eskola barruan, gelaka egingo dute Aratusteekin zerikusia duen eskulanen bat, baina ez besterik.
Berez, Aratuste-zapatu bezperan ospatu ohi dituzte Aratusteak Plaentxi Herri Eskolan, batera edo bestera Euskal Aratosteak irudikatuz. Beraz, aste honetako barikuan litzateke hitzordua. Esandako moduan, baina, aurten ez barikuan, ez zapatuan eta ezta maritzenean ere ez da izango Aratusteen bueltako ekitaldirik.