Bestelako baldintzen artean, lanpostura aurkezteko eskola-ziurtagiria izan beharra dago. Bestalde, hiri hondakinen langile espezialista modura izandako lan esperientzia baloratuko dute merezimendu gisa.
Langile horrek, berriz, hainbat zeregin izango ditu; baina, oro har, honakoa da lana: edukiontziak eta gainerako hiri hondakin solidoak hurbiltzea eta deskargatzea.
Oposizio bidez
Izenak aurkezteko epea zabalik dago otsailaren 18ra arte eta bi bide daude horretarako: mankomunitateko Erregistro Orokorrean aurkez daitezke, zein Correos bitartez. Edozelan ere, izena eman aurretik, mezu elektroniko bitartez jakinarazi beharko zaio mankomunitateari: debabarrena@debabarrena.eus.
Behin izangaiak aztertu eta baldintzak betetzen dituztenak onartu ostean -zerrenda argitaratu egingo dute-, oposizio-probarako data, ordua eta lekua zeintzuk diren jakinaraziko dituzte, mankomunitatearen iragarki-taulan zein haren webgunean.
Aldi baterako enplegua egonkortzeko prozesuen markoan argitaratu du mankomunitateak lan eskaintza hori, 2019-2023rako onartu zen enplegu planaren markoan.
Xehetasun gehiago, HEMEN klikatuta.