Istripua arratsaldeko hirurak aldera gertatu da, Eibarreranzko noranzkoan zijoan furgonetaren gidariak ibilgailuaren kontrola galdu eta errepide bazterreko zementuzko babesgarria jo duenean. Gidariak Plaentxia.eus-i azaldu dionez, istripuaren lekura heldu aurretik konturatu da direkzioak ez zuela behar bezala funtzionatzen baina bapatean gidariak autoaren kontrola galdu du bazterra jo du Ansola lantegirako sarreran. Toki horretan zementuzko babesgarriak daude ezarrita eta hain zuzen, babesgarri horietako batek eragotzi du autoa ibaira erortzea. Autoaren golpeak babesgarria mugitu egin duen arren, gutxigatik bada ere, ez da ibaira erori, eta ondorioz, autoa ere ez.
Autoaren barruan zijoan bertsona bakarrak, gidariak, "sustu handia" hartu du baina ez du jasan nabarmentzeko moduko zauririk. Garabia heldu bitartean, Ertzainek trafikoa bideratu dute, eta ez da aipatzeko moduko erretentziorik izan.
