Atzo iluntzean jakinarazi zuenez, Udalak zabaldu du mendirako errepidea autoendako, baina bakarrik San Andres auzoraino.
San Andres baserriaren parean ipini dute seinalea, esanez handik aurrera bertako edo baimendutako ibilgailuak pasa daitezkeela bakarrik.
Ezozi auzotik gora, berriz, itxita segitzen du errepideak.
Joan den urtarrilaren 5ean itxi zuen Udalak mendirako bidea, elurretara joan ziren zenbait herritarren portaera zela-eta, landa-eremuko hainbat bizilagunen kexuak jaso eta gero.