“Beharrezko segurtasun neurriak zainduta” egingo dute asteleheneko protesta ekitaldia. Euria egiten badu, berriz, Plaza Zaharreko karpapean elkartuko dira.
Uda ostean, berriro ere hasi ziren pentsioen aldeko elkarretaratzeak egiten, Plaza Berrian. Baina SARS-CoV-2 koronabirusaren pandemiaren bilakaeraren aurrean, elkarretaratzeak etetea erabaki eta 2020ko urrian egin zuten azkena. Haren ondoren, kalean egindako azken mobilizazioa abenduaren 5eko manifestazioa izan zen. Bien bitartean eta harrezkero, Plaentxia.eus atariaren bitartez helarazi dituzte pentsioen aldeko asteroko aldarrikapenak.
Orain, berriro ere bueltatuko dira plazara.