Aurten, Aratuste barik

'Juari kakatara' taldeak irabazi zuen iazko lehiaketa; 'Animaliak' izan zen gaia.

Jaiekin eta Gaztañerre Azokarekin izandako irizpide berari eutsita, aurten, Udalak ez du Aratusteetarako ekitaldirik antolatuko, “azken ordukorik ez bada, behintzat”, esan du Abel Olaizola Kultura zinegotziak. 

Azken urteotan, urtarrilaren erdialde aldera proposatu izan du Udalak Aratusteetarako mozorro-gaia. Baina, aurten, ez da horrelakorik izango.

Abel Olaizola Kultura zinegotziak eman du azalpena:  “Pandemia dela-eta, guk ezin dugu halakorik bultzatu, Aratusteen bueltan jendea elkartzen da taldean eta kalean eta ez dugu nahi beste herri batzuetan gertatu dena hemen gertatzea”, esan du Abel Olaizola Kultura zinegotziak.