Izena emateko info@lurgaia.org e-postara mezu bat bidali behar da, ondorengo datuak emanez: izen-abizenak, adina, jatorrizko udalerria eta mugikorraren zenbaki bat (ezustekoetarako bakarrik).
16 urtetik gorakoek eman dezakete izena bakarrik, eta ohartarazi dute izena emanez gero komeni dela kale ez egitea; edo kale eginez gero, aldez aurretik abisatu beharra dagoela.
Ohartarazi dute, ezin dela joan izena eman barik eta antolatzaileen baieztapena jaso barik.
Hitzordua 09:00etan
Hitzorduari berari dagokionez, berriz, 09:00etan egin dute hitzordua, Aizkorri eta Santa Klarako kaleen arteko bidegurutzean. Lurgaia Fundazioaren eskutik egingo da landaketa.
Ura etxetik eraman beharra dago, baita zerbait jateko ere, hamarretarako. Mendiko edo ur botak eraman behar dira eta arropa erosoa. Eta euritarako arropa, badaezpada. Eskularruak eta landatzeko-tresnak, berriz, antolatzaileek banatuko dituzte. Ekimena bazkalordura artekoa da.