Aurtengo martxoko langabezia tasa berberarekin bukatu da 2020. urtea: %13,82. Bestela esanda, 259 langabe kontabilizatu dituzte Soraluzen. Pandemiaren hasierako datura bueltatu da, bada, langabezia datua, uztailean %16,17ra ailegatu ondoren.
Martxoan hartu zuen gorako bidea langabeziak eta uztailera arte etengabe segitu zuen gorantz. Baina, hortik aurrera, jaisten hasi zen eta joerari eutsi egin dio urtea amaitu arte.
Eskualdeari erreparatuta, antzera gertatu da bertako udalerrietan: martxoarekiko behera egin du Eibarren, gora Deban eta berdin geratu da, adibidez, Mendaron.
