Mendaroko osasun langileek ipini diete txertoa egoitzakoei. Egoiliar guztiek hartu dute, "guztiek zuten argi hartu nahi zutela", kontatu dute egoitzatik. Langileen artean, berriz, 41 langilek hartu dute baina bederatzik ez; bik ezin dutelako eta beste zazpik ez hartzea erabaki dutelako. Txertoa hartu dutenei, urtarrilaren 21ean ipiniko diete bigarren dosia.
Egoitzatik jakinrazi dutenez, txertoa hartu arren, oraingoz, neurri berberak aplikatzen segituko dute.