Aurten, laugarren aldia du Gabonetako Motiboekin Apaindutako Balkoi eta Leihoen lehiaketak. Iaz baino lehiakide batek gutxiagok eman du izena, seik, guztira.
Datozen egunotan ikuskatuko ditu epaimahaiak haien apainketak, honako irizpideen arabera baloratzeko: jasangarritasuna, materialen berrerabilpena, originaltasuna, apainketaren kalitatea, armonia eta diseinua.
Ondoren, urtarrilaren 4an, astelehena, jakinaraziko dute zein izan den aurtengo sariduna, 12:30ean, Plaza Berrian. Hari 100 euroko saria emango diote. Iaz, Nerea Gabilondok irabazi zuen.