Domekan, urtarrilaren 3an eta astelehenean, urtarrilaren 4an, Apaiz Etxeko postontzia Errege Magoendako gutun bilketa egiteko baliatuko dute. Halaber, urtarrilaren 5ean, postontzi berezia ipiniko dute zeregin horretarako, Apaiz Etxearen ondoan bertan. Gogoan izan, aurten, COVID-19aren pandemia dela-eta, ez dela kabalgatarik izango, baina Beti Prest elkarteak, zelan edo halan, helaraziko dizkie Errege Magoei soraluzetarren gutunak.
Kabalgataren antolatzaile Beti Prest aisialdi elkarteak esplikatu duenez, “asko sentitu arren”, aurten, bertan behera laga behar dute errege kabalgata, “pilaketak saihesteko, bai kabalgatan eta baita ere erregeen eskutik egiten diren gutunen bilketan zein oparien banaketan”.
Gaineratu du espero dutela osasun egoera hobetzea eta “ea datorren urtean, 2022an, antola dezakegun errege kabalgata berria. Adore handia denoi eta mila esker zuen laguntzarengatik”.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.