Elkartasun lasterketa birtuala abenduaren 20a eta urtarrilaren 10a bitartean egingo da eta helburua da Senegaleko joan-etorriak dituen 8.000 kilometroak eginez dirua biltzea. Izen-emateko dortsalak 5€ balio du eta horixe izango da diru ekarpena egiteko modua.
Lasterketan izena emateko orria ondorengoa da: https://ndankndank.kinendu.com/(Oharra: izen-ematea mugikorretik eginez gero, euskara aukeran klik egiteko mugikorra horizontalki jarri behar da).
Izena ematearekin batera, Kinendu aplikazioa jeitsi behar da kilometroak kontabilizatzen hasteko. Abenduaren 20ra frogak egiteko uakera izango da baina egun horretatik aurrera kontagailua 0tik hasiko da.
Nerea Iñurrietaren gonbitea
Nerea Iñurrietak plazentziatarra Ndank Ndank elkartearen kolaboratzailea da eta plazentziatarrak gonbidatu ditu ekimenean parte hartzera: "Aurtengo gabonetan taldean kirol ekintza gutxi egin daitekeenez, bakoitzak nahi duenean, nahi duen beste eta nahi duen erara (korrika, bizikletan, oinez...) hartu dezake parte...Helburua guztiz solidarioa da eta ahalik eta jende gehienak parte hartzea da gure nahia, denon artean Ndank-Ndank (poliki-poliki) gure herriaren eta Senegaleko Dionewar herriaren arteko zubia indartu dezagun".