Aurten, iazkoekiko argi desberdinak ekarriko dituzte, modelo berriak. Iluntzean piztuko dituzte, pizte-ekitaldi barik, “aurten ezin baita halakorik egin”, esplikatu du Ainhoa Ibarzabal Bizikaleko kideak.
Arrazoi berarengatik aurten ez dute ez barrakarik eta ezta beste ezer ekarriko ere. 7.000 euro inguruko inbertsioa egin du Soraluzeko Merkatarien Elkarteak argiak ekartzeko.
Gabonetako argiez aparte, Bizikale elkarteko establezimenduen aurrean Gabonetako apaingarriak ere ari dira ipintzen.
Bizikale elkartetik adierazi dute Gabonetarako argien ekarpenaren bitartez, “herria alaitzen eta girotzen lagundu” nahi dutela. “Eta ea jendeak segitzen duen edo animatzen den herrian erosten eta kontsumitzen. Aurten, bereziki, bizi dugun egoera larria da; ostalariek laguntasun handia behar dute eta baita gainerako saltokiek ere. Asko eskertzen da herritarren laguntasuna”.