Gabonei begira jarri eta orain arteko neurri murriztaileak arindu egingo zirela iragarri ondoren, atzo iluntzean, eguaztena, Iñigo Urkullu Lehendakariak azpimarratu zuen "prebentzio-neurri nagusia pertsona bakoitzaren kontzientzian dagoela. Eguberri hau desberdina da eta desberdina egin behar dugu. Gure planetan ezer aldatzen ez bada, egoerak ez du hobera egingo ". “Asko lortu dugu eta ez dugu atzera egin behar ", gaineratu zuen Lehendakariak.
Ondoren, datozen asteotan indarrean izango diren neurrien berri eman zuen. Hamar dira:
Bat: mugikortasun muga 22:00etatik 06:00etara mantenduko da.
Salbuespena aplikatuko da abenduaren 24tik 25era eta abenduaren 31tik urtarrilaren 1era bitarteko gauetan. Bi egun horietan etxeratze-agindua 01: 30era arte atzeratuko da.
Bi: Euskal Autonomia Erkidegoko konfinamendu perimetrala mantentzea.
Konfinamendu hori abenduaren 23tik 26ra eta abenduaren 30etik urtarrilaren 2ra bitartean kendu egingo da.
Hiru: udal-konfinamendua kentzen da, baina lurralde historikoarenari eutsi egiten zaio.
Lurralde historiko bakoitzeko konfinamenduak abenduaren 23ra arte iraungo du.
Lau: Gehienez ere sei pertsona elkartzeko neurria mantentzen da.
Gehienez ere sei pertsona elkartzeko neurria mantentzen da.
Abenduaren 24, 25 eta 31ko eta urtarrilaren 1eko ospakizunetarako salbuespena aplikatuko da.
Topaketa horietan gehienez hamar pertsona elkartu ahal izango dira. Iradokitzen da, batetik hamar pertsona horiek bi bizikidetza-unitatekoak izatea eta, bestetik, lagun talde berari eustea ospakizun ezberdinetan.
Bost: jai eta Gabon ekitaldiak bertan behera uztea.
Abenduaren 21etik aurrera, pertsona pilaketak eragiten dituzten ekitaldiak debekatuta izango dira.
Adibidez Gabon gaueko edo Errege bezperako kantu-taldeak; kanpaikadak direla-eta kalean egiten diren jaiak; Santo Tomas jaiak; "San Silvestre" kirol-probak; edo kale kabalgatak.
Sei: ostalaritza eta jatetxe jarduerak baimentzea.
Dekretuan 100.000 biztanleko 500-eko intzidentzia-tasa baino gutxiago duten udalerrietan baimenduko da jarduera. Establezimenduek terrazak ireki ahal izango dituzte eta barneko zerbitzua % 50era mugatuko da. Erabiltzaileek mahai baten inguruan eserita kontsumitu beharko dute. Debekatuta dago barran edo zutik kontsumitzea.
500etik gorako intzidentzia-tasa duten herrietan ostalaritza eta jatetxeak ezingo dira ireki, tasa horretatik behera egon arte. Osasuneko sailburuordearen ebazpen bidez, astelehen eta ostegunetan 100.000 biztanleko 500 baino gehiagoko intzidentzia-tasa duten udalerrien zerrenda zabalduko da.
Zazpi: ostalaritzaren irekiera 06:00etatik 20:00etara mantenduko da.
Zerbitzuguneak salbuetsita daude.
Iradokitzen da ez erretzea establezimendu horietako terrazetan. Maskara etengabe erabiltzea derrigorrezkoa da, elikagaiak edo edariak hartzen direnean izan ezik. Maskara behar bezala ez erabiltzea zigortzeko moduko jokabidea da.
Zortzi: 6 pertsonetako taldeetan kirol federatuko entrenamenduak baimentzen dira.
Horrekin batera, gehienez % 30eko okupazioa duten aldagelak erabili ahal izango dira; eta, baita ere dutxak, betiere banaka.
Bederatzi: kirol-jarduerarekin lotutako gainerako murrizketak bere horretan mantentzen dira.
Gabonetako oporraldiaren ondoren murrizketak hauek malgutzeko aukera aztertuko da, betiere pandemiaren bilakaeraren arabera.
Hamar: Gabonetako jaietan adinekoen egoitzetara bisitak egiteko araudi berezia onartu da.