Aidor Aizpururen eta Agustin Jauntsaratsen margolanak ikusgai

Hainbat herritar erakusketan, atzo. Argazkia: Fernan Oregi.

Atzo, martitzena, erakusketa berria zabaldu zuten Erakusketa Gelan: Aidor Aizpuru eta Agustin Jauntsarats margolariena. Aizpuruk hiperrealismoa lantzen du; Jauntsaratsek, berriz, denetik, azken boladan, batik bat, margolan abstraktuak. Azaroaren 28ra arte izango da ikusgai bien mostra bat.

Atzo erakusketa zabaldu eta lehen bisitariak bertan izan ziren, erakusketa gelak duen edukiera muga betetzeraino.

Zintzilikatutako koadroen artean, besteak beste, paisaiak, erretratuak eta motibo abstraktudunak daude ikusgai; gainera, hainbat margolan erosteko aukera ere badago.

Erakusketa astegunean 19:00etatik 20:30ak bitartean egongo da zabalik; zapatuetan, berriz,  12:00etatik 13:30ak bitartean.

Aidor Aizpuru zein Agustin Jauntsarats, biak ala biak dira herriko Krabelin Pintura Eskolako ikasleak.