Ukaezina da pandemiak bizitzako alor eta adin guztietan duela eragina. Horren beste adibide bat da Institutuko ikasleen eta gurasoen mezua: “Kurtso amaierako bidaiarako dirua biltzeko ahaleginak egiten ari gara, nahiz eta ez jakin inora joateko aukera izango duten. Gauza da, aurten oso zail daukagula”.
Hori horrela, Plaentxia.eus atariaren bitartez, jakinarazi nahi dute aurten dirua biltzeko bi aukera dituztela: polboroiak eta bonboiak saltzea eta errifak.
Zapaturo egongo dira kalean gozoak eta errifak saltzen, eta, bestela, Mendizabal okindegian eta Belaitzen ere eros daitezke. Animatu!