Iñaki Peña (Patxi Lurra) medikuak zuzendutako dokumentala da S(u/a)minetik bakera. Olatz Etxaberi eta Sandra Carrascori Goienan egindako elkarrizketa banatan irakurritakoaren ondoren inspiratuta sortu zuen, Artemanen, orain dela hiru urte.
Egileek dioten moduan “lan honek nahi du sumina eta samina atzean utzita, bakera arteko bidea egiten laguntzea”. Gai hori protagonista izan arren, ordea, dokumentalean doluari eta heriotzari buruzko gogoetak ere partekatzen dira.
Gainera, ikus-entzunezkoaren aurkezpena modu berezian zaindu zuten. Zuzeneko narratzaileak izan ziren: Naia Egiluz eta Koldo Rodriguez. Musika ere zuzenean interpretatu zuen Aitor Monje Mudoh-ek.
Soraluzen 16. emanaldia izan zuen S(u/a)minetik bakera ikus-entzunezkoak. 25 bat lagun bertaratu ziren ikustera. Baketik Fundazioko bideratzaile Maialen Lizarralde izan zen moderatzailea.