Azaroaren 18an eta 19an, eguaztena eta eguena, goizez eta arratsaldez egongo dira Itxaropena elkarteko zuzendaritzako kideak bertako bulegoan, bertaratzen diren bazkideei arreta emateko. Izan ere, 2021. urteko kuotak ordaintzea tokatzen zaie (12 euro).
Era berean, ohi denez, loteria ere banatuko zaie. 600 bazkide pasa daude deituta. “Guztiendako dago loteria, bazkideendako eta laguntzaileendako. Aurten bost euroak oparitu egingo ditugu, elkartean jarduerarik ez denez izan, hori konpentsatzeko”, dio Angel Mari Catalanek, Itxaropenako zuzendaritzako kideak.
Itxaropenako bulegoa bi egunotan zabalik egongo da goizez 10:00etatik 12:00etara eta arratsaldez,16:00etatik 18:00etara.