Autonomoei eta 10 langile baino gutxiago dituzten enpresei zuzendutako aholkularitza zerbitzua da Debabarreneko Garapen Agentziak abiarazi duena. Arreta “pertsonalizatua” baliatuta, lau jarduera egiteko aukera ematen dute:
- Egungo egoera aztertu.
- Negozioaren diagnostikoa egin.
- Etorkizuneko urratsak finkatu.
- Dirulaguntzen/laguntza-programen berri eman.
Gipuzkoako Foru Aldundiarekin lankidetzan abiarazi dute zerbitzua eta Diputazioak eta Mondragon Unibertsitateak elkarlanean landutako erreminta erabiliko dute diagnostikoa egiteko.
Interesa izanez gero, Debegesarekin jarri behar da harremanetan: ekintzaile@debegesa.eus / 943 82 01 10.