Gaur Osakidetzak argitaratutako datuen arabera, jaisten hasi da COVID-19a atzemateko PCR probetan positibo eman duten soraluzetarren kopurua. Azken astebeteko kopururik baxuena eman dute azken hiru egunek.
Konparazioa egitearren, joan den asteburuan, 17 soraluzetarrek eman zuten positibo.
Debabarrenarei begiratuta, berriz, kontrako joera hartu du Eibarrek, nabarmen, gainera. Barikutik domekara, 134 positibo atzeman dituzte han: 45 barikuan, 47 zapatuan eta 42 domekan.
Gainerako udalerriei dagokienez, aurreko asteburuko datuen antzerakoak eman dituzte.
Hona hemen asteburu honetako datuak herriz herri:
- Eibar: 134
- Elgoibar: 22
- Mendaro: 5
- Mutriku: 5
- Soraluze: 7
- Debabarrena: 188