Zailtasunak zailtasun, badator Domu Santu

Aurten, aldrebestuta eta azken orduko neurriekin dator Domu Santu eguna. Zailtasunak zailtasun, Soraluzeko kanposantua dagoeneko hasi da lorez janzten. Pandemia egoera honetan, hainbatek aurreratu egin du harako bisita edo enkargua, badaezpada ere. Beste batzuk, berriz, azken momentuan dabiltza, zer egin zalantza handiekin. Gainera, ondoko herrietakoak izan ezik, kanpoan bizi diren gainerako herritarrak ezin dira kanposantura bertaratu. Halakoak eta beste kontatu ditu Naiara Elgetak, Belarrak loradendako ugazabetako batek.