Txoko tabernako zerbitzari baten positiboaren berri izan ondoren eta ikusita tabernara inork ez ziela deitzen zer egin esateko, bertako ugazabek erabaki dute taberna ixtea.
Inorekin berba egitea lortu barik
Hala esplikatu du Txaro Ucinek, ugazabetako batek: "Atzo, taberna zabaldu egin genuen, baina pentsatzen genuen norbaitek deitu egingo zigula zer egin esateko. Inork ez zuen deitu. Orduan gu hasi ginen Osakidetzara, Elgoibarrera, Osasun Publikora... deitzen. Inork ez zigun telefonorik hartu. Gauza da oraindik ez genekiela ezer eta azkenean erabaki dugu ixtea".
Tabernaren pertsianan eman dute arrazoiaren berri: COVID-19a dela-eta, arduraz jokatu nahian".