Pertsonako 28 euro ordainduta, honako menua izango da aukeran Txurrukan. Hostorea entsaladarekin, Euskaltxerri hirugiharrarekin eta Egotzako ahuntz-gaztarekin; Legatza txingarretan, Itsasoi baserriko wok erara prestatutako sasoiko barazkiekin; Egotzako antxumea bere zukuarekin tenperatura baxuan erreta eta Mendaroko hiru txokolatezko Txurrukako azkenburua edo postrea.
Eskualdean
Gainera, Tripontzian menua eskatzen dutenek aukera dute Tripontziak partaidetza-kupoia eskatu eta entregatzeko jatetxean bertan. Parte-hartzaile guztien artean Debabarreneko bertako produktuez osatutako bi sorta eder zozkatuko dituzte. Jatetxe guztietako zigiluak betez gero, berriz, Tripontziak amantala eskuratuko da opari.
Debabarrenean, guztira, zazpi jatetxek eskainiko dituzte Tripontziak Menuak, honakoek:
- BARATZE GOURMET (Eibar)
- BELAUSTEGI (Elgoibar
- BORDATXO (Deba)
- KANALA (Itziar, Deba)
- MENDIOLA (Ermua)
- SALEGI (Itziar, Deba)
- TXURRUKA (Soraluze)