Herritarrek kanposantura bisita egin eta txukundu beharrekoa txukuntzeko aukera izan dezaten, egunotan, goizez eta arratsaldez, egunero izango da zabalik hura.
Hori bai, Domu Santu egunari begira, bestelako neurri batzuk hartuko ditu Soraluzeko Udalak eta datozen egunotan kartel bitartez emango du haien berri.
Neurriak
Neurri horien artean, besteak beste, kanposantuaren edukiera kontrolatzeko prozedura ezarriko dute; hilerriaren ordutegia luzatu egingo dute; pertsonen zirkulaziorako ibilbideak ezarriko dira, pilaketak saihesteko; maskara erabiltzea derrigorrezkoa izango da eta kanposantuan erabilera partekatua duten elementuen edo materialen garbiketa eta desinfekzioa indartu egingo da.