Bestelako ezustekorik ezean, urriaren amaierarako gertu izango da eskolako patiorako eskailera. Bi asteko atzerapena dute lanek, aurrefabrikatutako baldosak ez baitituzte bidali esandako epean.
Kontuak kontu, aste honetan iritsi da materiala eta dagoeneko baldosa ez-labaingarriez janzten ari dira hormigoizko eskailera berriak. Baldosak ipintzeko lanez gainera, datozen egunotan, baranda ere ipiniko dute.
Oraingo aurreikuspena da, eguraldiak laguntzen badu, bi astean bukatzea lanak.