Erik Rodriguez:
-Zer, polita geratu zaigu, eh?
Kazetaria:
- Baina, zuek ipini dituzue, ala?
- Bai, domekan.
- Zelan ba? Lanpernak ez dira jatekoak, ala?
- Buf, istorio luzea dauka! (barre)
- Ia ba, kontatu-kontatu.
- Ba hau (Rafa Ariznabarreta) eta Moto (Aitor Gil) joan ziren Soriaraino onddo bila. Bueltan, erakutsi zidaten handik ekarritako otarra, eta esan: Hemen daude onddoak! Baina han ez zegon onddo bat bera ere ez! Onddoak kenduta, denetarik zegoen! Tartean, lanpernak ere bai. Orduan esan nien, ekarri-ekarri, egin dezagun gauza polit bat: ibaira botako ditugu ustezko onddoak eta beste hauek hemen landatuko ditugu, nik interiorismo ikastaroa eginda daukat eta ipin dezagun loreontzia eder… eta begira, arrakasta izan du!
- Diozuenez, Eizagirrek ere ikusi zituen perretxikoak, hark zer esan zizun, bada?
Rafa: - Esan zigun onddo haiek ez jateko. “Onddo mehatxua” besterik ez ziren…
Erik: - Enfin. Soriaraino joan eta onddo barik bueltatu!
- Baina ekarri zenuten zerbait Soriatik?
Rafa: Baaai, txintxortak (torreznos)!!! (Barre) Han tipikoak dira. Egia esan, txintxorta bila joan ginen, eta bide batez, onddo bila.
- Eta azkenean, jan duzue perretxikorik ala ez?
- Soriakorik ez (barre). Txintxortak jan ditugu (barre). Baina aurrekoan, hemen joan nintzen mendira eta hiru perretxiko hartu genituen.
- Seguru haiek onak zirela?
- Bai, bai, ziurtatuta zeuden (barre)