Edurtza tabernan, pertsianaren lama bat apurtzen ahalegindu dira eta gero palanka eginez, pertsiana bera zabaltzen.
Batzokian, berriz, destornilladorea baliatuta ahalegindu dira ate nagusiko sarraila indarrez zabaltzen. Bertatik esandakoaren arabera, eurek eman diote gertaeraren berri Udaltzaingoari.
Ertzaintzak emandako informazioaren arabera, norbaitek jarrera susmagarriarekin zebiltzan ezezagunak ikusi eta Ertzaintzari abisatu dio goizaldeko 04:00-04:30ak inguruan.
Polizia bertaratu egin da, eta ez du ezer ikusi. Udaltzaingoak, ordea, uste du ustezko lapurrek polizia ikusita ihes egin dutela; besteak beste, destornilladorea Batzokiko sarrailan trabatuta lagata joan dira-eta.