Herriko zergen eta tasen igoera Euskal Autonomia Erkidegoko KPIren abuztuko batezbestekoaren arabera ezarri ohi da. Aurten, abuztuko KPIa -0,4koa izan da. Hori horrela, datorren urteko zergak eta tasak izoztea planteatuko dio Udal Gobernuak udalbatzarrari eguazteneko osoko bilkuran.
Urarena ere bai
Bestela esanda, IBIari, hondakinen bilketari, zirkulazioari, ibilgailuei… dagozkien tasak ez igotzea proposatuko du Udal Gobernuak. Gainera, IBIaren kasuan, bigarren etxebizitza hutsik dutenek %75eko errekarguarekin ordaintzen dute haren gaineko zerga. Kasu horretan, urtero moduan, EAJk errekargu hori kentzeko planteatuko du.
Bestalde, aurten, uraren tasa ere izoztu egingo dutela aurreratu du Iker Aldazabal alkateak. Nahiz eta tasa hori Gipuzkoako Urak Partzuergoari dagokion, bertako administrazio kontseiluko kide da alkatea eta partzuergoaren batzarrean planteatu dute uraren tasa ere izoztea.
Zergak eta tasak izoztea proposamena izan arren, puntuak aurrera egingo du, Udal Gobernuak gehiengoa baitu udalbatzan.