Berrogeiren bat herritar batu ziren Plaza Berrian Elkarbizitzaren bidean, presoak etxera leloa eta Izan Bidea ekimenaren ikurrak eskuetan hartuta. Halaxe egin zuten Euskal Herriko dozenaka herritar Sare mugimenduak egindako deialdiari erantzunez.
Sareko arduradunek Donostian egin zuten prentsaurrekoan gogorarazi zuten urriaren 24an Donostiako kaleetara eroango dituztela sakabanaketaren eta espetxe politikaren aurkako aldarriak Resolution! Etxean! lelopean egitekoak diren manifestazioan. Gainera, iragarri zuten manifestazioaren bukaeran, mosaiko erraldoi bat osatuko dutela, Kontxako hondartzan.