Inoiz baino gehiago, hitzarmenaren ordua da!! leloarekin atzera ere protestei ekingo diete Gipuzkoako egoitzetako langileek.
200dik gora greba-egun egin ondoren, COVID-19aren pandemia hasi zenean, eten egin zituzten protestak. Uda ostean, berriz, berriro ere ekin zieten protestei, lan hitzarmena aldarrikatzeko. Orain, ugaritu egingo dituzte ekimenak. Salatu dutenez, lehendik ere langile falta “arazo estrukturala” bazen ere, egoera are gehiago “okertu” da orain, lan-kargak handitu direlako zentroak berregituratu direnetik.
Protesten artean, gaur, Debarroan auto-karabana egingo dute eta bihar, martitzena, greba. Hain justu, bihar, Adinekoen Eskubideen Nazioarteko Eguna dela-eta egingo dute greba.
ELA eta LAB sindikatuez aparte, besteak beste, pentsiodunen mugimenduek, Gipuzkoako Senideak elkarteak eta Irauli Zaintzak ere bat egin dute protestekin.