Datorren martitzenean, inklusioari edo gizarteratzeri buruzko hitzaldia eskainiko du Itziar Barrenkuak, Arartekoaren Gizarteratze arduradunak Itxaropena elkartean. Gizarteratzea Euskadin: DBEak, EPOak eta GLLak da izenburua eta Esperientzia Gelaren 2019-2020 ikasturterako programatutako jardueretako bat da.
Laguntza-tresna nagusiak
Inklusioa bera zer den, bazterkeria zer den eta zelako bazterkeria motak gerta daitezkeen landuko ditu Barrenkuak. Horrekin batera, Diru-sarrerak Bermatzeko Errenta (RGIa), Gizarte Larrialdietarako Laguntzak (AES) eta Etxebizitzako Gastuetarako Prestazio Osagarriak (PCV) izango ditu hizpide. Izan ere, tresna horiek dira pobrezia eta gizarte-bazterketa jasateko arriskuan dauden pertsonen inklusioan laguntzeko gehien erabiltzen diren erremintak.
Hitzaldia 18:00etan hasiko da, gaztelaniaz izango da eta aretoaren %60a bete arte onartuko dituzte entzuleak. Bestalde, maskara nahitaez jantzita izan beharko da uneoro.