Gaurko, barikua eta biharko abisu horia ezarri du Segurtasun Sailak prezipitazio iraunkorrarengatik, gaur 12:00etan hasita biharko 12:00ak arte. Aurreikusi dutenez, 24 orduotan metro karratuko 50-60 litro pilatu daitezke. Zaparradarik gogorrenak gaur iluntzerako espero dira.
Haize ufada bortitzak
Horrekin batera, haize bortitza ere espero da, gaur 21:00etan hasita biharko 12:00ak arte. Diotenez, 100 km/h-tik gorako haize ufadak izan daitezke haizeguneetan eta 80 km/h haizeguneak ez diren lekuetan. Gainera, abisatu dute “borraskak hartuko duen ibilbidearen ziurgabetasuna dela-eta” posible dela “abisu hori batzuk alerta laranjara aldatu behar izatea zenbait denbora-tartetan”.