Soraluzeko Udalari eskatutako azken baimenaren arabera, barikuan eta zapatuan grabatuko dituzte Erase una vez…Euskadi pelikularako sekuentzia gehiago Soraluzen. Oraingoan, plato modura Pascual Churruca lantegia erabiliko dute eta eskatutako baimenaren arabera, barikuan 07:00etatik zapatuko 17:00ak arte ibiliko dira han lanean.
Besteak beste, jakinarazi dute Errekalde 24ko eta 26ko eta Mendikuteren kanpoko aldeko aparkalekuak libre laga beharko direla eta zatika zirkulazio eten egingo dutela. Horrez gain, Caritaseko lokala aldagela modura erabiliko dute.