Helduendako bertsolaritza ikastaroa urritik abendura bitartean

Ikastaroa, bertsotan egin edo bertsolaritzara gerturatuz “ondo pasatzeko” interesa duten herritar guztiei dago zuzenduta. Urriaren 13an hasiko da eta izen-ematea zabalik dago.

“Bertsoekin ondo pasatzea eta zerbait ikastea”, horixe izango du helburu urriaren 13an hasi eta abenduaren 18ra bitartean egingo den bertsolaritza ikastaroak. Eneko Beretxinagak gidatuta, 8 saio eskainiko dituzte, martitzenetan, iluntzeko 19:00etatik 20:15era Gaztetxean.

Zortzi saio horietan, bertsolaritza eta bertsogintzaren lotutako hainbat gai landuko dituzte, modu ludiko eta arinean: bertsoaren teknika, bertsolaritzaren historia, bertso idatziak… eta tartean, “plazako gonbidatu berezi bat” ere joango omen zaie bisitan. Ikastaroa herriko bertsozale talde batek antolatu du, Soraluzeko Udalak lagunduta.

Izen-ematea zabalik

Izena emateko epea zabalik dago eta matrikulak 20 euroko prezioa du. Gutxieneko adina, berriz, 16 urtekoa da. Informazioa eta izen ematea: soraluzekobe@gmail.com emailera idatzita edo 943753043 telefonora deituta.