Txistu kontzertua zapatuan antzokian

Hamaika Buru Txistu Elkartea.

Bizkaitik etorrita, zapatu iluntzean kontzertua eskainiko du Hamaika Buru Txistu Elkarteak, 19:30ean, Herriko Antzokian. Sarrera debaldekoa izango bada ere, pandemia dela-eta, antzokiaren edukiera mugatuta dago eta sartzerakoan sarrera hartu beharko da. Leihatilan eskuratu ahal izango dira, kontzertua hasi baino ordu erdi lehenago. Egitarauan denetariko piezak izango dira: habanerak, baltsak, biribilketak, minuetoak…

Bilbao Musika Eskolako ikasleek eta Bizkaiko hainbat herritako txistulariek osatutako Hamaika Buru Txistu Elkarteko musikariak izango dira zapatuan Soraluzen. Soraluzeko bi txistulari ere izango dituzte lagun: Edurne Orbea eta Domentx Uzin.

Kontzertuaren aurretik, 19:00ak aldera, eguraldiak laguntzen badu, txistulari taldea kalejiran joango da Plaza Zaharretik antzokira. Kontzertua, berriz, 19:30ean hasiko da.

Honako piezak interpretatuko dituzte: 

  • La bajera (bolero) Sabin Bikandi
  • Don Martin (Baltsa) Sabin Bikandi
  • Molinatxo (Habanera).
  • Edurne (Mazurka). Sabin Bikandi / Mold: Jagoba Astiazaran
  • Aitona Txomin (Biribilketa). Aitor Furundarena / Mold: Jasone Akizu
  • Ametsetan (Ekain Basterretxea bakarlari dela) Jose Ignacio Ansorena
  • Mendiko soinuak Jesus Guridi
  • Minuetoa
  • Ezpata dantza
  • Biribilketa
  • Bilboko bihotza (tangoa) Joserra Gutierrez. 

Jasone Akizuren zuzendaritzapean jardungo du bandak (jatorri soraluzetarra duen ondarrutarra). 
Piano-jolea Leire de Diego izango da. Atabalaria German Ereña.