“Beti gaude astelehena iristeko beldurrez, asteburuan bandalismo ekimenen bat egin ote duten. Gaurkoan, begira, bihar ikasturte hasiera eta halako sorpresa. Torlojuak askatu eta lurrean botata azaldu da saskibaloi saskia. Eskolako patioko perimetroa ixten dugu, baina hala ere, sartzea lortzen dute. Kale zurruta ere egiten dute bertan, horren arrastoak azaltzen dira eta gauzak erreta ere bai: eurek eramandako poltsei su eman edo zuhaitzen baten adarren bati…”, kontatu du Iker Aldazabal alkateak.
Hark gaineratu du kiroldegi gainean ere azaldu direla eta azaltzen direla kale edanaren arrastoak eta gaur, baita koltxoi bat lurrean botata ere.