Bukatu dituzte Errekalde 10eko etxea botatzeko eraisketa-lanak. Eskuz egin dute ia eraisketa guztia. Dagoeneko, hondakinak erretiratu dituzte, etxearen beheko kotara iritsi bezain laster eraman zituzten-eta hondarrak.
Orain, ondoko etxearen, Errekalde 8 etxearen pareta isolatzea falta da. Horrekin batera, ingurua hesitu egingo dute, Errabalen bota zuten etxearen orubearekin egin zuten modura. Hori egitean zabalduko dute atzera ere errepidea eta zirkulazioak ohiko funtzionamendua berreskuratuko du.