Atzo, zapatua, iluntzean “piztu” zen kaleko giroa apur bat, bazkarien ostean kalera irten ziren herritarrekin, eta iluntzeko txikiteoarekin. Gaua etorri zen ondoren; harekin bazegoen kezka apur bat, kedadaren bat egiteko asmoaren gaineko zurrumurrua zabaldu baitzen.
Udal ordezkariek emandako informazioaren arabera, ordea, tabernariek goizago ixteko hartutako erabakiari eutsi eta 01:30erako itxita zeuden guztiak. Kalean gelditu ziren lagunak laster antzean erretiratu ziren etxera.
Bihar, hainbatek jai
Asteburukoak eginda, bihar, astelehena, bukatuko dira herriko jaiei dagozkien egunak. Ez da ekitaldirik izango. Hori bai, askorentzat jai-eguna da, egutegiz horrelaxe ezarrita zutelako. Horren ondorioz, bihar, hainbat saltoki eta zerbitzu itxita izango dira.