Koronabirusa

Positibo kopurua egonkor

Moteltzen hasi da COVID-19az kutsatutako herritarren kopurua. Azken datuen arabera (uztailaren 23ari dagozkionak) ez dute kasu berririk atzeman. Eguaztenean, berriz, bakarra atzeman zuten. Gauzak horrela, gaur gaurkoz, 11 dira herrian atzemandako koronabirus kasuak.

Uztailaren 17an atzeman zuten koronabirusean positibo eman zuen lehen herritarra. Hurrengo zazpi egunetan, hamar positibo gehiago detektatu zituzten; azken egunotan, berriz, bakarra atzeman dute, eguaztenean. Guztira, orain arte 11 herritarri atzeman diote COVID-19a Soraluzen. Badirudi, bada, moteltzen hasi dela kutsatutako herritarren kopurua. 

Ehunka kasu Eibarren eta Ermuan

Bestelakoa da inguruko herrietako egoera, batik bat Eibarkoa eta Ermukoa. Bietan gora egiten segitzen du kutsatutako kasu kopuruak eta bietan daude ehun kasu baino gehiago atzemanda.

Egoera ikusita, Eusko Jaurlaritzak dagoeneko iragarri du astelehenetik aurrera aisialdiarekin lotutako neurri murriztaileak aplikatzen hasiko dela.