Azken orduko aldaketa tarteko, Gari, Montxo eta Joselontxo pailazoak barik, Patxin eta Potxin pailazoek egingo dute barikuko saioa. Ingurumena zaindu izenburua duen ikuskizuna taularatuko dute.
Halaxe deskribatzen dute saioaren nondik norakoa: “Antzerki, mimo, malabar, joko eta elkarrizketaren bitartez bizitzaren ohitura onen berri izango dugu (…) Goizean jaiki eta oheratu bitarteko zereginetan lagunduko digute, gutxiago kutsatuz, zikinduz, ingurumena gutxiago kaltetuz... Materialen erabilera zuzenari buruz solastuko dira”.