Prentsa oharrean jakinarazi dutenez, hitzaldian "antolatzen dituen ekintza eta eskaintzen dituen zerbitzuez" hitz egingo dute eta horrekin batera "baso-pandemiak eratorrita sortu diren gaurkotasun-gaiak" ere jorratuko dituzte: "pinuaren gaitzak jota dagoen azalera, intsinis pinua bera ordezka dezaketen espezie anitzak, laguntzak, etabar. Hori guztia, gure lurraldean baso kudeaketa jasangarria mantentzeak duen garrantzia azpimarratuz".
Oharrak zehazten dutenez, eguazteneko hitzaldia "irekia" izango da "bizilagun eta inguruko herritar guztientzat".
Basojabeen elkartea
Gipuzkoako Baso Elkartea Gipuzkoako baso jabeak batzen dituen elkartea da eta elkarteak zabaldutako datuen arabera, probintzia osoan dauden 9.000 baso jabeetatik 2.800 inguru dira elkarte horretako bazkide.