Asteburuan detektatu dute herrian 20 euroko billete faltsuak sartzen ahalegindu direla. Besteak beste, bi tabernarik salatu dute gertakaria. Halako bi billete, adibidez, Udaltzaingoan eskuratu dituzte. Diotenez, oso erraz antzematen da faltsuak direla, "baina gauez, edo arretarik jarri ezean, baliteke billete faltsua hartzea benetakoa delakoan", gaineratu dute. "Dena den, arreta pixka bat jarriz gero, segituan igartzen da", esan dute.
Billete faltsua bereganatuz gero, haren hartzaileak galtzen du diru-kopuru hori; hau da, banketxeek ez dute billete faltsua benetako batengatik aldatzen, askok uste dutenaren kontrara.