Hondakin ugari San Martzialerako bidean

Hondakinak San Martzialerako bidean.

Bi astean, bi herritarrek abisatu dute San Martzialerako eskailerak zikin-zikin egoten direla, batik bat, litxarreria poltsak eta latak lurrean botata egoten direlako. “Gu ere, gazte ginenean egoten ginen halako lekuetan gure gauzak egiten, baina ez ginen horren zikinak!”, dio herritarretako batek. 

San Martzialera kirola egitera zein paseatzera joan ziren bi herritarrek kontatu dute harrituta geratu zirela mendirako eskailerak, Lertsundinekoak zikin-zikin ikusita. “Litxarreria poltsak, latak… denetik zegoen lurrean botata, eta gainera, goraino, ez pentsa!”, dio herritarretako batek.

Beste herritarrak gaineratu du ulertzen duela gazteak horrelako lekuetan-eta egotea, beti izan baita horrela; hala ere, ez zaio horren ulergarri egiten inguru guztia horren zikin lagatzea. “Gu ere, gazte ginenean egoten ginen halako lekuetan gure gauzak egiten, baina ez ginen horren zikinak!”, adierazi du.