Urtetik urtera, geroago eta lehiakide gehiago animatzen da Balkoietako eta Leihoetako Lore Lehiaketan parte hartzera. Iaz izan zuen orain arteko kopururik altuena: bederatzi lagun. Aurten, oraingoz, bat gehiago animatu da. Kontuan hartuta barikura arte dagoela izena emateko epea zabalik, baliteke gehiago ere izatea.
Behin izen-emate epea itxita, epaimahaiak ekainaren 29tik uztailaren 3ra bitartean egingo ditu lehiaketara aurkeztu diren balkoien eta leihoen ikustaldiak. Sari banaketa, berriz, uztailaren 6an izango da.